تغيرت

موضوع: تغيرت 15/9/2011, 23:11

البارحه مابيـن وشلـون يمديـك
في يوم واحـد ياحبيبـي تغيّـرت
الليـل خلانـي وخـلا طـواريـك
تلعب بقلبي كـل ماداخلـي ثـرت
سويت شين حدني غصب ماجيـك
والا قبـل لاسيـر الليـل سيـرت
هدمت كل اللـي بنيـت بتجافيـك
هدمـت لا والله بالعـون دمـرت
خليتني ماقلت لي شلـون اخليـك
ليتك بحالي قبل مارحـت ناظـرت
الله كريم يصبـر اشـواق مغليـك
لاقـام ينثرنـي غـلاك وتناثـرت
والله يسامح قلبي اللـي مواليـك
اخذت كل اللي تبي منـه وانكـرت
منهار جيت العام تسبق خطاويـك
واليوم ماكنك قبل جيـت وانهـرت
في ذمتك لامن تذكـرت ماضيـك
من يطري في بالك اليامن تذكرت ؟
من كثر مافكرت وشلون اراضيـك
وياك في نفسي ولا يـوم فكـرت
على كثر ماكنت متمسكـن فيـك
وعلى كثر ماحتجتنـي ماتعـذرت
جيتك وعندي حاجتن بيـن اياديـك
والمشكله تقدر عليهـا وقصـرت
رح بشر اللي ملتفت لـك يناديـك
قله تركتـه لخاطـرك ماتأخـرت
صدقني انها غلطتي يـوم اداريـك
ولا انت لولا غلطتي كان ماصـرت
كبرتـك بعيـن البعيـد وحواليـك
ابيـك تكبـر والمصيبـه تكبـرت
حاولت اغيّر فيك من كثر مغليـك
قـدرت لكنـك عليّـه تغـيّـرت

موضوع: رد: تغيرت 16/9/2011, 15:45

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: تغيرت 17/9/2011, 22:07

شموخ أنثى

كلمات رائعة
[ندعوك للتسجيل في المنتدى أو التعريف بنفسك لمعاينة هذه الصورة]

تقبلي مروري
مملكة الرومانسية

موضوع: رد: تغيرت 18/9/2011, 09:51

أشكركم كل الشكر على مروركم الرائع ..

ودي ،،.

موضوع: رد: تغيرت 21/10/2011, 17:11

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: تغيرت 10/11/2011, 05:30

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: تغيرت 7/12/2011, 01:17

[ندعوك للتسجيل في المنتدى أو التعريف بنفسك لمعاينة هذه الصورة]